客人從事文書工作，因為工作環境唔開心，加上受疫症影響擔心失業而黎搵我。
打開客人的阿卡西紀錄，Keeper同我講，客人其實有做治療師嘅天份，但對自己無自信，總係擔心自己做唔黎，所以一直停留喺令佢唔開心但感覺安心嘅工作環境。另外亦叫我提醒客人唔好因為經濟原因唔去進修，想學嘅嘢就去實行，會對事業有幫助。

「對答案」後，客人表示的確係對自己無自信心，想讀藝術治療但擔心自己嘅能力、曾經學過頌缽，又因為友人一句「頌缽會吸收被治療者唔好嘅能量」而卻步。

Cathy 亦計劃稍後去學頌缽，身邊亦有學過頌缽嘅朋友，從未聽過「頌缽會吸收對方負能量」，但我覺得凡事都有可能沾染負能量，因為治療師本來就係好容易感染到客人的力量，例如當我開紀錄嘅時候，有時亦會因為客人嘅能量而感到悲傷或頭痛。應該話，即使唔係靈性治療，普通嘅心理咨詢、或有朋友向你「放負」，你都會好容易被對方嘅氣場感染。但作為一個治療師，我相信我有能力去清理被沾染嘅能量、亦相信透過傳達Keeper嘅一字一言可以轉化客人嘅念，加強客人嘅正能量。

一切皆是念，當你對自身有足夠嘅信心、相信自己嘅內在智慧、跟隨自己嘅心去行，就可以減少聽到懷疑自己嘅聲音。但當你對自己充滿懷疑，自然會收到好多令你更懷疑自己嘅聲音。
我經常同客人講，唔好盡信任何人嘅信念，即使對方係老師或任何權威，最應該相信嘅，係你內在嘅權威🌟

（阿卡西紀錄嘅原意除左幫你搵到問題嘅根源，最重要係幫你搵到你內在的權威、協助你個人成長、從而解決問題，Keeper會回應所有發生喺你身上嘅事，如果你有任何想解決嘅難題，歡迎搵我預約諮詢，一齊尋找問題嘅答案。）