阿卡西記錄：植物的智慧

大自然有其智慧，我地切勿低估大自然嘅智慧，有好多植物比我地年紀更大，亦對事物有其獨有嘅洞見，今日搵返2017年時喺公園同一棵樹木嘅對話，同大家分享一下:

🧒🏻 ： 請問你可以介紹自己嗎？
🌲：（溫柔嘅女聲）我喺度已經50年，無轉過位，我無名咖，平時啲人經過，都係對我「掂行掂過」，無留意到我，我好開心今日有人留意我，我都想有自己嘅名，你可以幫我改嗎？
🧒🏻：叫Mona好嗎？因為我覺得你好似月亮咁溫柔，但又唔想叫Moon咁平凡。

🧒🏻：我可以為你做什麼嗎？
🌲：你無咩需要為我做，只要應承我，好好愛護大自然，唔好浪費每一張紙、唔好不斷製造垃圾，愛護呢個地球，我就已經心滿意足。

🧒🏻：（同佢講左自己嘅煩惱）
🌲: 你要安穩自己嘅心，只要有安穩嘅心，先可以做到偉大嘅事。唔需要急於尋找答案，隨住時間消逝，慢慢你會知道答案，而家放鬆同放心去經歷你想同需要經歷嘅一切。
(而家再睇返，確實已經得到想要嘅答案，亦已行左好遠嘅一段路)

🧒🏻：你對呢個地球嘅睇法？
🌲: 我鍾意呢個世界，雖然我只係企喺地球上呢個咁細嘅地方，好似好悶咁，但其實我每一日都會留意住經過我身邊嘅人，每一個人開心定唔開心，我都感受得到，我就係咁樣慢慢感受時間嘅流逝。我知道呢個世界發生緊咩事，要記住，無論呢個世界係點、香港變成點，唔好忘記抱持住愛同希望，就好似我咁，雖然日日喺個咁細嘅地方，但我都抱持住愛同希望。要為微小嘅事快樂，就好似今日我遇到你，你同我傾偈一樣，已經令我覺得好開心。

(註: 2006年時，Discovery Channel 嘅節目 MuthBusters 嘗試做實驗，測試植物對被打同被恐嚇用火燒嘅反應，結果植物對兩種測試都有反應）

另外推介一下Cathy喜愛嘅花草系歌曲：
《不寫歌給愛人，他們寫歌給植物聽：另類「花草系」歌單》
https://thepolysh.com/blog/2019/09/05/playlist-for-plants/

如果你想嘗試連接阿卡西紀錄守護者，可以點擊【阿卡西紀錄解讀】資訊看看！

了解更多阿卡西紀錄相關文章：
【超準讀心術】塔羅、占卜、阿卡西紀錄有甚麼分別？這些方法準嗎？
【阿卡西紀錄是什麼？】 一文帶你認識阿卡西記錄