電影《死因無可疑》(2）

見到林嘉欣談《死因無可疑》中沈子玲嘅冷血殺人行為，好surprise佢竟然會講呢番說話 ：「當你明白角色背後故事，就會用一個很謙卑的心去接納，每一個人都有其生命的特質。不應隨便去批評和指責。看不到別人的痛苦，便隨便批評，某程度上也是一種自大，看不到生命本質的荒涼。 」

對我黎講，一個療癒師最基本嘅條件係要有不批判嘅心。不論眼前嘅人係第三者、盜賊、殺人犯、性犯罪者⋯其實都係有不為人知嘅過去，先會造成今日嘅佢。無人係天生嘅犯罪者，就好似沈子玲嘅角色一樣，因為殘疾，被同學/社會歧視、嘲諷，最終做出極端行為反擊。

除左過往嘅創傷，有時亦會同前世記憶有關。阿卡西紀錄其中一樣可以做到嘅係前世回溯，有人莫名其妙地怕水，原來係前世曾經見到親人溺水死亡；有人明明另一半對佢好差，但唔知點解今世就係不離不棄，離唔開呢個人，通常呢啲情況係雙方喺前世有課題未完成、事件未完全解決，繼而帶到落今世有業力關係。什至有啲人嘅靈魂藍圖就係今世要做「衰人」，目的係為左幫另一個人（或一班人）覺醒。

上阿卡西紀錄課程時，老師講左一句話令我印象好深刻，佢話：「當你唔能夠原諒一個人，係因為你未夠了解佢嘅過去。」唔係話有傷痛過去就大曬，今世做咩都得，但如果你真心希望對方改變，愛總係俾批判有效。“You don’t stop wars by hating wars”

喺宇宙嘅角度，並無二元對立、事非對錯，好多時感覺唔好嘅經歷係令我地去學識一個課題，當我地發現左事件當中嘅課題，外在世界亦會隨即改變。當然大多數時候我地只需要活在當下，唔需要去追溯前世發生過咩事；但如果你發現用盡方法都唔能夠放下或解決莫名嘅恐懼，嘗試搵返前世記憶，以及尋求更高智慧嘅協助，都未嘗唔係一個好嘅方法。

https://topick.hket.com/article/2674900/?lcc=at