最近幫一位客人開阿卡西紀錄，佢問到如何可以賺到更多金錢，Keeper 直接地答:「你內心有討厭有錢人嘅傾向。」

客人一開始回覆:「我無討厭有錢人啊!」

再細問下發現，原來客人對金錢有負面信念，覺得錢係萬惡嘅根源而不自知。呢個狀況好常見，好少人會講；「我好憎有錢人！」，但潛意識對金錢有好多限制性信念而不自知。

睇下以下說話你有無講過?

「鬼叫你唔係李嘉誠個仔咩?」
「佢有錢梗係咁講啦！」
「無奸不成商!」
「有錢人都係衰咖喇!」
「男人錢就身痕!」
「這些機會不是屬於我的。」
「呢個世界無免費午餐嘅。」
「唔辛苦點得世間財！」

就係呢啲限制性信念，令我地抗拒金錢，內心覺得金錢係邪惡嘅根源，或覺得機會唔屬於自己，即使有賺錢機會，亦會因為恐懼而拒絕，咁又點會有錢呢？有錢人之所以有錢，係因為佢地嘅信念同思維模式，即使將一個有錢人嘅財富偷走曬，佢亦好快會靠頭腦而重新建立財富，相反貧窮嘅人，即使突然中左六合彩頭獎，如果唔及時學習理財技巧，同改變自己對金錢嘅信念模式，佢亦好快會再次成為貧窮嘅人。（所以點解咁多新聞話中左頭獎嘅人，最後輸曬啲錢，仲窮過之前！）

由今日開始，將對金錢嘅負面信念轉換成：

「錢可以令我幫助到更多人同動物。」
「好多有錢人都係白手興家同對社會好有貢獻嘅人。」
「我可以輕鬆地做我喜愛嘅事同時獲得豐盛。」
「我可以主動爭取機會，創造我理想嘅人生。」