療癒其實沒有你想像中複雜
療癒其實沒有你想像中複雜
最近收到呢幾條來自不同客人嘅問題：
「我已經搵過老師幫我做同佢既前世回溯同通靈療癒，知道我同佢已經經歷過好多世，想睇下仲有無嘢未清」
「如果我嘅課題係要做到無條件嘅愛，咁點解我仲要離開呢段關係？我已經幫自己做左好多療癒，我想知道仲可以點樣療癒自己同呢段關係。」
「我唔知自己仲要經歷幾多課題？點解老公不斷有小三，我仲要執著同佢一齊。」
三個問題，看似不同但又有其相同之處。人大部份嘅煩惱同痛苦，都係因為活在過去，或憂慮未來，而忘記活在當下，當人活在當下、放下一切嘅執著，煩惱自然會消失。
有客人問過，點解要知道前世嘅事，對今世有何意義？其實真係可以話無咩意義的，但又可以話好有意義，對我黎講，了解前世最重要嘅意義，係可以令我地知道事情嘅前因後果，知道點解會發生今世呢件事，對現況更釋懷。例如有客人同先生嘅第三者前一世係好姊妹，但因為上世搶左對方嘅男朋友而反目，到今世好姊妹就做返同樣嘅事報復，令客人感受到當時自己嘅感受。而Cathy過往亦曾搵其他通靈者問同前男友嘅前世關係，得知自己前世原來曾經殺左前男友，今世就要償還返呢個債。當然我無辦法證實我前一世係咪真係殺左人，我嘅客人亦無辦法證實第三者係咪真係前世嘅好姊妹，但我地都因為知道左呢個結果，而令自己感覺舒服左、對現況更加釋懷。
但前世有時亦係我地緊抓住一段關係嘅籍口，「因為我前世同佢有過咁嘅事，所以今世我注定要還俾佢。」無論你同佢有過幾多世，最好嘅處理方法係，知道左，就當自己還左，然後釋懷、放下，只要你願意放下，事情就已經完結了，唔需要不停再搵好多療癒方法去療癒呢段關係，誠實面對自己，不停去療癒，會唔會係因為現實中已經無其他方法可以實際改善同對方嘅關係，但仍然唔願意放手呢段關係，想搵一啲嘢去證明自己仲同呢個人有關係嗎？但你有試過愈做療癒、愈搵得多唔同嘅療癒師，感覺愈空虛嗎？
如果你嘅課題係無條件嘅愛，唔代表你就要緊抓住關係唔放、即使傷痕累累都唔放（唔好用學習做藉口，讀書時你有咁勤力嗎？）無條件嘅愛包括對其他人嘅愛同對自己嘅愛。對其他人嘅愛，包括當知道對方同自己暫時意見不合時，願意適時離場，唔爭執、唔解釋，放手比大家各自去經歷所需要經歷嘅事，相信分離嘅時間係成長嘅一部份，放手唔一定代表關係完結，就好似有句說話叫「離開是為了回來」，出走過後，可能未來會更合適、相處得更開心。而對自己嘅愛，係唔怕同其他人分離，即使分離，仍然對自己有信心、相信自己嘅價值。
明白喜歡身心靈嘅人，會容易有「靈性上癮」嘅跡象，好多客人都同我講，靈氣、薩滿、SRT…仲有好多我未聽過的、五花八門嘅療癒方法都試過了。我地都習慣將力量交俾其他人，以為俾錢人做療癒就一定可以解決問題，但忘記左真正嘅療癒師，其實係你自己。好多問點樣療癒的客人，其實好多時需要嘅只係安靜自己嘅時間、誠實面對自己嘅內心，同最最最重要嘅：諗得簡單啲。有時簡單如畫畫、跳舞、沖杯咖啡，已經係好好嘅療癒。用幾分鐘時間手沖一杯咖啡，什至簡單如沖杯掛耳式咖啡包亦可以係冥想嘅一種方式。正如巴夏講過，寫作、畫畫，或者唱歌都係冥想嘅一種方式。
如果你想每天早上都有療癒的感覺，不妨嘗試一下我們的能量咖啡 Coffee Drop Bag！