感謝客人俾我機會去做同寵物有關嘅解讀😸🐶

有客人想問同🐶🐶前世嘅關係，開完後又再介紹左俾兩位朋友😊節錄一下當中解讀到的有趣訊息：

😺貓貓一號
貓貓一號前世係客人嘅情人，而客人當時總係覺得對佢唔夠好、俾唔到好富裕嘅生活佢，所以佢今世選擇做貓返黎陪伴客人，因為貓易照顧好多，等客人唔洗咁多顧慮，怕養唔起佢😂

😺貓貓二號
貓貓二號前世係客人嘅競爭對手，見到畫面係兩個男仔（客人同😸😸）喺籃球場度一齊打籃球，喺度爭冠軍、爭贏，而大家實力相當，上一世鬥到難分難解，所以今世貓貓就繼續返黎客人身邊想繼續鬥。不過點解佢今世會做貓呢？因為貓貓話：「你永遠都唔夠貓鬥嘅」😂所以佢就覺得佢今世已經鬥贏左啦😆

另外同樣係貓貓二號，今次係問同客人女朋友嘅前世關係，原來貓貓前世係女朋友嘅哥哥，因為佢前世總係經常擔心妹妹，所以今世就繼續黎到妹妹身邊𥄫實佢，但點解係選擇做男朋友隻貓而唔係妹妹隻貓呢？因為做男朋友隻貓先可以全天候咁𥄫實男朋友有無蝦妹妹😆貓貓二號覺得自己好偉大，仲叫妹妹對佢好啲，多啲買罐罐俾佢食。

幾次同動物嘅解讀都令我有大開眼界嘅感覺，我曾經學過動物傳心，動物傳心主要係著重同今世嘅動物溝通，了解佢地行為背後嘅原因，從而改善動物嘅情緒/ 行為問題，而阿卡西紀錄就可以解讀同動物前世嘅關係😊如果大家都想了解一下同寵物前世嘅關係，或其他有關寵物嘅問題，歡迎 inbox 預約時間😊