有人問阿卡西紀錄可以問咩，其實真係咩都可以問，只要係同你有關嘅事就可以問。
以下分享係我冒住被人當係痴缐嘅風險寫嘅，大家信嘅就信，唔信就當笑話睇啦。

個案案主係Cathy嘅同學 K。👩‍🏫

K: 我想知點解屋企有咁多小強？我夜晚開廚房燈見到佢地成班喺度開P! 我崩潰左！
Keeper ：啲曱甴話佢哋係黎支持你嘅，因為佢地覺得你嘅力量比較微弱，又對自己無乜信心，所以佢地就班齊人黎支持你（佢地知道自己叫小強，有強大嘅意思）同佢地覺得你同佢哋係同一伙嘅，因為你同佢哋一樣都係咁鍾意食嘢，所以佢哋覺得你好有親切感、好鍾意同你一齊。

K: 消滅佢哋嘅方法？
Keeper: 首先唔好用到「消滅」呢個字，因為啲小強會覺得好唔開心，佢哋當左你係朋友，但你就想殺曬佢哋。你可以將啲食物放好啲，令到佢哋覺得:「點解而家少左咁多嘢食㗎？」其次係要增加自己嘅力量，你可以同啲小強講：「其實我OK 㗎喇，你哋唔使成日嚟睇我㗎喇。」到你搵到自己嘅力量，佢哋又覺得你OK嘅時候，佢哋自然就會慢慢走。你多啲用愛去面對佢哋，唔好覺得佢哋好討厭同想消滅曬佢地，因為佢地都係出於好意想去幫助你。